Wat is Oostfräisk Plat?

Dat Oostfräisk Plat (kört: Oostfräisk) is ‘n tóól, däi in Oostfräisland proot’t word’t. Oostfräisk is fan d’ tóólklassifikóósjoon nóó ‘t stamboommoodel fan August Schleicher ‘n warjant fan dat Leeğdüütsk.

Man däi oorsprungelk tóól fan Oostfräisland was bit in ‘t lóóet middeloller dat Fräisk. Leeğdüütsk kwam as fröem tóól un kun sük eerst lóóterweğ as folkstóól eetóbläären.

Däi wellenteejoorii fan Hugo Schuchardt diffeerensäärt dat beskriiven fan d’ tóólwannel. Däi êerst wäel was dat Leeğdüütsk, dat däi fräisk oortóól in Oostfräisland in ‘t 18. jorhunnert bold häilmóóls ooverlóógert haar. Dat Fräisk dee siin spooren f’râal in d’ substróótwoorden un in d’ foonooloogii achterlóóten.

As twäied wäel kwam dat Hollandsk, dat ‘n stâark inflaud up däi woordskat fan ‘t Oostfräisk haar. Däi dâard wäel fertöönt sük in d’ roomóónsk woordskat, däi oover ’t Hollandsk, Düütsk of diirekt uut ‘t Fransk in ‘t Oostfräisk koomen is. Däi färd un läest wäel is dat Düütsk, wat fandóóeğ döör däi tweitóóliğkaid fan Oostfräisland f’rallen däi woordskat fan ‘t Oostfräisk döör läinwoorden un interfeerensen beinflauden daajt.

Dat Oostfräisk Plat is ‘n buent kuntakttóól un funksjoonäärt in däi praksis as ‘n fulweerdiğ tóól. Dat Oostfräisk het fär grôot djóólekten, däi sük äits döör ‘n luudferskuuven unnerskäident un tauhôop dat Oostfräisk Plat bildent.